Vandaag is ’t internasionale
Vandaag is ’t ouch internasjionaal ’t inj van de Joedse Paose, Pesach. Dit fees is begos op 8 april 2020, det waar de 15de van de maondj Nissan van ’t jaor 5780.
“t Joeds Paosfees begint aan de aovend te veure biej zonsongergang mit de Sederaovend, dink aan oos Paoswake veur ’t eigenlikke fees van Paose.
De Joede herdinke mit dit fees de oettoch oet Egypte. Nao ein periode van ongeveer 400 jaopr es sjlave in Egypte warde ze door häöre leider Moses nao ’t belaofde landj in Israël gebrach.
“t is ouch ’t fees van ’t ongedesemde brood, det beteikent brood wo gein ges in is gebroek om te herdinke det men häöstig mos vertrekke oet Egypte.
De aaj Remunjse Synagoge lik aan de Hamsjtraot nummer 20. Dees waerde in 1853 geboewd en in de Tweede Waereldoorlog kepot gemaak.
In 1953 waerde zie opnuuj geboewd nao ein ontwerp van arsjetek Oznowicz oet Amsterdam. Ze waerd neet meer gebroek en sjteit onger beheer van de sjtichting Rura.
Tekst en foto: Guus Rüsing.
