Op de hook van de Bröksjtraot / Roerkade sjteit ein laevesgroot beeld van de Remunjse sjriever Emile seipgens (1837 – 1896). Hae hilt ein book in zien henj mit op de rök de naam Emile Seipgens. In ’t book is de duvel, oet de Sjinderhannes, te zeen.
’t Beeld is gemaak door Wienand Thönissen en Dick van Wijk in 1987. Toedertied waas ’t ein inesjatief van de Sjtichting Vitrines Hertje Sjtad.
De jonge Emile sjreef al gedichte en verhaole. Hae waas net achteen wie hae ’t letterkundig genootsjap “De Lelie” oprichde. Nao ein mislukde opleiding es notaris kreeg hae, wie hae pas 22 jaor waas, in 1859, de leijing euver de beerbroewerie van zien vader in de Jesewietesjtraot.
In 1847 ging hae in Göttingen Duits sjtudere. Hae haolde daonao zien lerare-akte in Den Haag. Hae goof verder lesse Duits in Tiel, Zutfe en Leiden. Dao sjtorf hae en lik d’r begrave.
’t Bekints is Seipgens gewaore door de Sjinderhannes euver Florenske, de dochter van de kastelein Sjwarze Peter die verleef waerd op de ruiverhoofman Sjinderhannes. Netuurlik sjpeelt de duvel hie ein rol bie en mot de moder van Sjinderhannes, heks Hyasinte, ‘m redde. Dit verhaol sjreef hae veur de Remunjse teneelvereniging “Société Dramatique et Littéraire de Ruremonde”.
Fioto en teks: Guus Rüsing.
