Vandaag, 800 jaor geleje, waerde door Engelbert van Berg, Ertsbisjop van Kölle, ein deil van de huidige Munsterskirk ingewiejd es ongerdeil van de abdie van Beate Marie. Remunj veel toen onger ’t biesdom Luuk en det veel onger ’t Ertsbiesdom Kölle. De presiese sjtichtingsdatum van die abdie is nog altied in nevele gehuld. Bekind is ’t verhaol van Sjra van Gelre en Greet van Brabantj die dao begrave likke.
Dae Engelbert waerde in 1185 of 1186 gebaore es zoon van de Graaf van Berg en zien vrouw Margaretha van Gelder, hae waas dus femilie. Maar hae waas ouch eine naef van de Kölse Erzbisjoppe Bruno III en Adolf I. Os kint os dus. Hae waerd om poletieke raeje vermoord en in Kölle es heilig vereerd.
Engelbert von Berg, Ertsbisjop van Kölle, vreug-barokke likkende figuur in de Dom van Kölle door Heribert Neuss (1640- gesjtorve ongeveer 1682), oet 1665. (Foto: Dombauarchiv Köln)
Teks: Guus Rüsing.
Foto’s: Guus Rüsing en Dombauarchiv Köln
