’n “Tiny Forest” is ’n minibos midde in de wiek. ’t Versjterk de biodiversiteit en guf jonk en aad de kans om dun bie hoes de natuur te ontdekke en te belaeve. De aanplantj van dit minibos Neelderbos is ’n inisjatief van de gemeinte Remunj, Basissjool Neel, WijZijnMaasniel en IVN Limburg.
Same mit uch, wethajer Evers en de kinjer van de groepe 4 en 5 äöpent de organizasie gaer dit eerste “Tiny Forest” van Remunj, op maondig 25 november om 13.15 oer. Daonao zeen de kinjer nog zo’n twee oer bezig om 200 veerkentje maeter te beplantje mit nuuj buimpkes. Geer kint dan ’n bietje mithelpe, of ‘ns röstig rondjkieke onger ’t genot van ’n tas koffie of thee.
De organizasie haop uch te zeen op dit biezonjer moment!
Wanneer: maondig 25 november om 13.15 oer
Wo: Kerkeveldjlaan/Dominicushaof, Basissjool Neel
