Kefee Aad Leeuwe in Leeve haet pas geleje van alles verangerd. Eigelik zol de heräöpening op 2 mei zeen, mer toen gooide corona root in ’t aete. En juus det aete is ein van de nuuj dinger.
Vanaaf 1 juni (of ‘ne angere daag dae door de euverheid vasgesjteld is) kint geer bie Aad Leeuwe genete van de “klein kaart”, of in ’t wiekend van meer oetgebreijde gerechte. Op de klein kaart, die doordewaeks en in ’t wiekend giltj, sjtaon koffie mit vlaai, iescoupes, soepe en diverse klein gerechte wie tosti en hamburger. In ’t wiekend kint geer ouch keze veur meer oetgebreijde maoltieje wie schnitzel, bief of zoervleis, mit friet of gebakke erpele en sjlaai. De meiste gerechte zeen oet de eige keuke, en de Zonjigse Soep van Oma is ouch ech door oma zelf gemaak.
Kefee Aad Leeuwe is gans aangepas aan de angerhalve maeter richliene, zowaal binne mit ’n verjongde inrichting, es boete op ’t terras.
De biljaar is d’r ouch nog, en es d’r gein kompetisie is, kint g’r dao geweun gebroek van make.
Oeteraard kint geer ouch nog altied terech in ozze zaal, veur broelofte, partieje en koffietaofels. Op dit moment moge d’r maximaal 30 man binne, mer “normaal” is dao ruumte veur zo’n 120 miense. Bie koffietaofels zeen d’r 80-100 plaatse besjikbaar.
Aad Leeuwe is op goonsdig gesjlaote. Van zonjig toet donderdig is aope van 14.00 – 01.00 oer. Op vriedig en zaoterdig is van 14.00 – 02.00 oer geäöpend.
Veer, Thei en Silvana, haope uch sjnel ‘ns te moge ontvange in os nuuj omgaeving.
Op de Facebook-pagina “Café Aad Leeuwe” zalle v’r uch op de heugte haje van ’t letste nuuts euver de precieze äöpeningsdatum.
Kefee Aad Leeuwe
Burg. Th. Wackerssjtraot 61
6041 AK Leeve-Remunj
T. 0475 – 326701
E. [email protected]
